اوڏان يا اوڏڪِي ٻولِي پر ڪتابان چا جائزا

اوڏ مٽِي جا ڪوڏ

ها ڪتاب سنڌِي ٻولِي ۾ ڇَي ائُون اشتياق انصاريا چَي لِکوڙَي ڇَي جڪو هيڪ سُٺا ليکڪ ائُون تاريخدان ڇَي۔ ها ڪتاب اصلا ۾ هيڪ ناول ڇَي پر ايمهين ڪترِيا ئِي ريتان رسمان نُون شامل ڪلَي گيلَي ڇَي۔ ڪتابا ۾ ڪافي ڦوٽُون بِي هِتي۔

دهلِيءَ جو درشن

ها ڪتاب سنڌِي ٻولِي ۾ ڇَي ائُون الطاف شيخا چَي لِکوڙَي ڇَي جڪو هيڪ سُٺا سفرنامي لِکڻي هاڙا ڇَي۔ ها ڪتاب بِي اصلا ۾ هيڪ سفرناما ڇي۔ او آپڪي پاڪِستانِي اوڏ سنگتيان چي ٻاڙان چي بِيها پر انڊِيا گيلا هِلا جڪو نارائڻ داسا چي آل اولاد هِتي ائُون اوڏان ۾ تمام گھڻا پڙهوڙا خاندان ڇَي۔ اي ڪتابا ۾ اُڻهين بِيها چي ڪافي ڦوٽُون بِي شامل ڪلي هِتي۔

اوڏ اتهاس (اوڏان چِي تاريخ)

اِين ڪتاب اصلا ۾  ٺاڪر لڇمِي نارپڻ سنگ ائُون ڀاگوتِي پرسادا چَي لِکوڙَي ڇَي جڪو امُولک داس کيتاڻِيئي سنڌِي ٻولِي ۾ ترجما ڪلا ڇَي۔ اي ڪتابا اوڏان چِي تارِيخ بيان ڪلِي گيلِي ڇَي۔